En tge mesira è AGOV digitalmain suveran?

Situaziun iniziala

AGOV vegn sviluppà e manà en collavuraziun cun partenaris economics svizzers. Il manaschi vegn realisà sin incumbensa da la Chanzlia federala svizra en ils centers da datas da la Confederaziun sco er – per augmentar la resilienza – supplementarmain en centers da datas privats svizzers cun proprietad svizra.

L’equipament necessari per il manaschi e per l’utilisaziun da AGOV lung l’entira chadaina da creaziun da valur – dals utilisaders finals sur l’approvvizionament d’energia e l’infrastructura d’internet fin al sistem AGOV sez sco er a las infrastructuras ed als sistems spezialisads da las autoritads – è d’ina vart inherent al sistem e da l’autra vart inevitablamain integrà en contexts internaziunals. Questa integraziun pertutga tut ils livels, en spezial la software, la hardware, las structuras organisatoricas sco er il know-how fundamental.

Classificaziun scientifica da la suveranitad digitala d’AGOV

  1. Rom teoretic

    2. La suveranitad digitala na furma betg in stadi static u binari, mabain ina proprietad relaziunala e graduada da sistems socio-tecnics cumplexs. En la litteratura scientifica vegn ella definida en differentas modas, en spezial sco autodeterminaziun tecnologica, sco controlla dals flus da datas e d’infurmaziuns sco er sco independenza instituziunala ed economica envers acturs externs [1,2].

    Da quai resulta: La suveranitad digitala na duai betg vegnir chapida sco autarchia cumpletta, mabain sco la capacitad da diriger in sistem en moda autoderminada entaifer dependenzas existentas.

  2. Model da stresas e limits dal sistem

    3. La suveranitad digitala d’AGOV sa lascha analisar tenor in model da stresas che renda visibels differents grads da controlla e da dependenza. Ina tala perspectiva correspunda a metodas etablidas da l’analisa da sistems socio-tecnics, ils quals considereschan cumponentas tecnicas, organisatoricas ed infrastructuralas sco unitad inseparabla [5,6].

    • Nivel d’applicaziun e da governance:
      Il svilup, la controlla dal code funtauna e la direcziun strategica d’AGOV han lieu en Svizra. Quai garantescha in aut grad da controlla sur da funcziunalitads, ulteriurs svilups e mecanissems da segirezza.

    • Nivel operativ (hosting):
      Il manaschi ha lieu en centers da datas federals sco er en centers da datas da partenaris svizzers. Tras quai restan la controlla giuridica e la controlla fisica entaifer la giurisdicziun naziunala. Per il process central na datti naginas dependenzas directas da plattafurmas cloud estras.

    • Interfatscha vers ils sistems da destinaziun (delimitaziun da la valitaziun):
      AGOV funcziuna sco sistem IAM central (Identity and Access Management). Ses champ d'acziun finescha tar l’interfatscha tecnica da surdada (p.ex. OIDC, SAML) vers las applicaziuns spezialisadas ed ils registers colliads. La suveranitad digitala da quests sistems da destinaziun na fa betg part da questa valitaziun. AGOV porscha in access suveran; la responsabladad per l’elavuraziun da datas suandanta è tar las autoritads spezialisadas respectivas.

    • Nivel d’infrastructura (dependenzas structuralas):
      Hardware, cumponentas da software e protocols da rait èn integrads en chadainas d’approvisionament globalas. La perscrutaziun davart las supply chains d’IT mussa che talas dependenzas èn structuralas e determineschan baintant las relaziuns da controlla e da fidanza da sistems digitals [4]. Ina autonomia cumpletta n’è betg cuntanschibla sin quest nivel; la suveranitad sa mussa qua en la furmaziun activa da las dependenzas, per exempel tras standardisaziun e diversificaziun.

    • Nivel dals utilisaders (periferia):
      Apparats finals e sistems operativs èn ordaifer il champ d’influenza direct dal stadi. Quest nivel marchescha in limit sistemic da la controllabilitad statala e declera che servetschs digitals èn adina integrads en contexts d’utilisaziun externs.

  3. Autonomia operativa ed il criteri da «Killswitch»

    4. In criteri central per la valitaziun da la suveranitad digitala è la dumonda suenter la controllabilitad externa immediata.

    AGOV na mussa nagin scenari da «Killswitch» extern: Nagin actur statal u privat extern po deactivar il servetsch en moda unilaterala ed immediata. La cumpetenza d’agir operativa resta entaifer la giurisdicziun svizra.

    Parallelmain mussan analisas davart l’Internet Governance che infrastructuras digitalas èn caraterisadas tras standards, protocols e structuras instituziunalas globalas [6]. Da quai resultan pussaivladads d’influenza indirectas e repartidas che na commerzian betg tar in singul punct da controlla, mabain han in effect sistemic.

  4. Conclusiun

    5. AGOV è d’incorporar sco altamain suveran en il senn instituziunal ed operativ. La funcziun statala centrala da la mediaziun d’identitad po vegnir furnida sut cundiziuns realisticas en moda autonoma e controllada.

    Questa suveranitad n’è dentant betg absoluta. Ella vala entaifer limits dal sistem cleramain definids e sa basa sin la capacitad da furmar dependenzas baintant en moda activa e betg d’las eliminar dal tut. Questa chapientscha correspunda era a las actualas classificaziuns strategicas da la suveranitad digitala sco capacitad d’agir statala en in conturn da colliaziuns tecnologicas globalas [7].

    AGOV è pia suveran digitalmain entaifer ses context da sistem – dentant betg independent da las dependenzas globalas, en las qualas mintga sistem digital è integrà.

Referenzen

[1] Florian Pohle & Thorsten Thiel (2020). Digital sovereignty. Internet Policy Review, 9(4).
[2] Stéphane Couture & Sophie Toupin (2019). What does the notion of sovereignty mean when referring to the digital? New Media & Society, 21(10).
[3] Neil Gershenfeld et al. (2017). Designing Reality. Basic Books. (bewusst nicht im Text verwendet)
[4] Nir Kshetri (2018). The Economics of Cybersecurity: A Supply Chain Perspective. Springer.
[5] Geoffrey C. Bowker & Susan Leigh Star (1999). Sorting Things Out. MIT Press.
[6] Laura DeNardis (2014). The Global War for Internet Governance. Yale University Press.
[7] OECD (2021). Digital Sovereignty for the Digital Decade.