Co poss jau activar mes login dad AGOV sin in nov smartphone u tablet?

Descripziun

Vus avais in nov u ulteriur smartphone u tablet, sin il qual Vus vulais activar Voss login dad AGOV. Sin l’apparat vegl vulais Vus deactivar il login dad AGOV, cunquai che Vus na utilisais betg pli quel apparat.

Instrucziun

Premissas
Per activar Voss login dad AGOV sin in nov smartphone/tablet, duvrais Vus Voss apparat vegl u in ulteriur factur da login existent, quai vul dir in segund apparat cun AGOV access app installada u ina clav da segirezza.

La AGOV access app sin il smartphone/tablet vegl na dastga betg vegnir stizzada, avant che Vus avais registrà il nov apparat mobil en Voss conto dad AGOV. Sche Vus avais gia stizzà l’app u sche l’apparat mobil vegl n’è betg disponibel, cuntinuai cun l’artitgel d’agid Tge poss jau far, sche jau n’hai nagin access pli a mes smartphone/tablet u a mia clav da segirezza?.

Activar il login dad AGOV sin in nov apparat

  1. Installai la AGOV access app sin il nov smartphone/tablet:


  2. As annunziai cun il smartphone/tablet vegl en Voss conto dad AGOV (agov.ch/me).
    Quest maletg mussa la pagina da login dad AGOV, sin la quala in QR-code è visibel.
    Cliccar sin il maletg per engrondir


  3. Tscherni la secziun Facturs da login.
    Vista dal conto AGOV cun la tscherna da la sparta facturs da login.
    Secziun facturs da login.


  4. Cliccai sin Agiuntar AGOV access app.
    Illustraziun per agiunscher l'app AGOV Access.
    Agiuntar l'app AGOV Access


  5. Legiai las instrucziuns e cliccai silsuenter sin Vinavant.
    Per agiuntar ina nova app d'access da l'AGOV, sto la fatschenta vegnir confermada.
    Confermar la transacziun.


  6. Scannai il code QR mussà cun Voss'app AGOV access sin il vegl smartphone/tablet.
    Il code da QR per scannar cun l’app access AGOV vegn annunzià.
    Il code da QR per scannar cun l’app access AGOV vegn annunzià.


  7. Avri la AGOV access app installada sin il nov smartphone/tablet e scannai il code QR cun quel.
    Maletg cun code QR duai vegnir registrà in nov factur d'access sin la app d'access AGOV.
    Scumandar il QR-code per registrar l'applicaziun d'access AGOV.


  8. Tscherni sin Voss nov smartphone/tablet la metoda d’autentificaziun giavischada. La selecziun dependa da la configuraziun da l’apparat: PIN, impronta dal det u Face ID. Resguardai ch’il PIN è be valaivel per la AGOV access app ed al memorisai per l’utilisaziun tar il login dad AGOV en l’avegnir.
    Mussar sin il smartphone per eleger la metoda d'autentificaziun PIN u l'impronta dal det.
    Selecziunar la metoda d'autentificaziun.


    La registraziun vegn confermada sin il smartphone u tablet.
    Maletg dal smartphone cun la conferma da l'annunzia gartegiada.
    La registraziun ha gì success.


  9. La registraziun dal nov smartphone/tablet vegn confermada. Terminai il process cun Vinavant.
    Maletg cun il num da l'apparat nov registrà ch'ins po midar en l'app d'access AGOV.
    Num da l'apparat registrà ch'è sa midà en l'app d'access AGOV.


  10. Il nov smartphone/tablet vegn enumerà sut ils facturs da login. Vus al pudais uss utilisar per il login dad AGOV.
    En il conto da l'AGOV figurescha da nov il smartphone/tablette. Da nov pon ins duvrar quel per colliaziuns dad AGOV.
    Il smartphone vegn cumplettà cun success sco nov factur da colliaziun AGOV.


  11. Co che contos dad AGOV pon vegnir stizzads sin il smartphone/tablet vegl, è descrit en l’artitgel d’agid Stizzar smartphone u tablet dal conto dad AGOV .

Sumegliants artitgels utils

Agiuntar smartphone u tablet en il conto dad AGOV
Stizzar smartphone u tablet dal conto dad AGOV
Agiuntar clav da segirezza en il conto dad AGOV
Stizzar clav da segirezza dal conto dad AGOV

As avain nus pudì gidar?
Leger ulteriurs artitgels da sustegn →