Indicaziuns incorrectas tar la cumprova d'identitad

Descripziun

L'endataziun d'indicaziuns incorrectas en il conto AGOV chaschuna l'interrupziun e la repetiziun da la controlla da l'identitad. Cun endatar ed examinar conscienziusamain Vossas indicaziuns pudais Vus evitar lavurs nunnecessarias.

Instrucziun

Resguardai per plaschair las suandantas remartgas durant l'endataziun da Vossas datas persunalas:

Indicaziuns	scripziun correcta	exempel
Segns spezials	Stgirentadas e segns spezials pon vegnir remplazzads cun la scripziun internaziunala.	Stgirentadas: Müller → Mueller Öster → Oester Segns spezials: Michèlle → Michelle François → Francois
Prenum	Utilisai la scripziun uffiziala tenor il document d'identitad. En cas da plirs prenums tanscha l'indicaziun d'in prenum.	en il document d'identitad: Hansrudolf → betg correct: Hansruedi, Hans u Ruedi en il document d'identitad: Thomas Markus → correct: Thomas Markus, Thomas u Markus
Num da famiglia	Nums dubels figureschan sin il document d'identitad e ston vegnir endatads uschia. Nums d'allianza èn colliads tras il stritg d'uniun «–» e ston vegnir inditgads mo, sch'els figureschan en il document d'identitad.	Num dubel: en il document d'identitad: Leutenegger Oberholzer → betg correct: Leutenegger u Oberholzer Num d'allianza: en il document d'identitad: Müller-Scheidegger → betg correct: Müller, Scheidegger u Müller Scheidegger en il document d'identitad: Müller → correct: Müller u Müller-Scheidegger
Adressa da domicil	Tar adressas da domicil en Svizra ston il num da la via ed il lieu vegnir endatads tenor la scripziun da la Posta svizra. Durant l'endataziun vegn quella proponida automaticamain dad AGOV. La designaziun correcta da las vias e dals lieus po vegnir controllada sin Geoportal da la Confederaziun .	Steinweidstrasse 21 8802 Kilchberg → correct: 8802 Kilchberg ZH
Data da naschientscha	resguardar la dretga successiun dal di e dal mais: «di.mais.onn».	12 d'avust 1970 → 12.08.1970
Indicaziuns davart la AVS	Endatar il prenum ed il num da famiglia tenor il certificat da la AVS. Sche las indicaziuns na correspundan betg al document d'identitad actual, stuais Vus laschar rectifitgar las indicaziuns tar la filiala cumpetenta da la AVS. Il lieu da naschientscha vegn curregì automaticamain tenor las indicaziuns en il register da la AVS.

Verificaziun da l'adressa
Las datas registradas per possessuras e possessurs da contos cun domicil en Svizra vegnan verifitgadas cun la banca da datas d'adressas da la Posta svizra areguard la consegnabladad:

Avant la consegna d'ina brev da verificaziun vegnan verifitgads il prenum, il num da famiglia e l'adressa da domicil.
En cas d'ina annunzia per la cumprova persunala da l'identitad, vegn verifitgada l'adressa da domicil.

Sche las datas che Vus avais endatà na correspundan betg a las indicaziuns da la Posta, vegn la verificaziun da l'adressa interrutta cun in'annunzia d'errur.

: La controlla da las adressas n'è betg gartegiada.

Sche la verificaziun da l'adressa na reussescha betg, malgrà che las datas èn vegnidas endatadas correctamain, n'èn Vossas indicaziuns probablamain betg actualas en la banca da datas d'adressas da la Posta. Raschuns pussaivlas èn:

Ina midada da chasa u ina midada dal num n'è anc betg vegnida annunziada.
In confamigliar u in sutlocatari n'è betg annunzià persunalmain tar la Posta.
Sbagl da scripziun en il num u scripziun inuffiziala, p.ex. Ruedi empè da Rudolf.

Vus pudais verifitgar resp. curreger Vossa adressa tar la Posta sur ils suandants posts da contact:

Mutaziun d'agen maun da l'adressa en il conto postal, en cas ch'igl exista in login: Access a la Posta Svizra – SwissID
Annunzia da midada da chasa online: Transportais Vus? (post.ch)
Dumondas frequentas FAQ da la Posta:
- Midada dal num: Midada num da famiglia (post.ch)
- Midada da l'adressa: Midada d'adressa (post.ch)
- Infurmaziuns davart las datas da l'adressa da consegna: Datas d'adressas a la consegna (post.ch)
Persunalmain tar Voss uffizi postal

As avain nus pudì gidar?

Leger ulteriurs artitgels da sustegn →