Persunas giuridicas
Vus vulais utilisar AGOV per agir per ina firma, in’uniun u in’autra organisaziun.En survista
- Persunas giuridicas ed autras organisaziuns ageschan tras persunas natiralas.
- Mintga conto AGOV represchenta exactamain ina persuna natirala.
- A partir dal 2027 è previs l’AGOV Business Account per l’utilisaziun professiunala u organisatorica.
- In Business Account resta in conto persunal e n’è betg in conto da l’organisaziun.
- La domena da l’adressa dad e-mail professiunala vegn colliada permanentamain cun il Business Account.
- L’appartegnientscha ad in’organisaziun, las rollas sco er ils dretgs da represchentanza e da suttascripziun na vegnan betg confermads tras AGOV.
- Tgi che agescha per pliras organisaziuns independentas ina da l’autra duess utilisar Business Accounts separads.
- Shared Use po vegnir declerà per in Business Account; questa decleraziun n’è ni ina permissiun ni ina cumprova dal dretg d’utilisaziun communabla.
Explicaziuns
Organisaziuns ageschan envers servetschs administrativs digitals tras persunas natiralas. Perquai represchenta er in conto AGOV utilisà per intents professiunals adina exactamain ina persuna natirala.A partir dal 2027 po in conto AGOV vegnir declerà sco Business Account (agov.ch/bi
Exempel:
person@company.ch
→ Business Email Domain: company.ch
L’adressa dad e-mail concreta po vegnir midada pli tard entaifer la medema domena, sto però suenter vegnir verifitgada da nov. I n’è betg pussaivel da midar in Business Account existent sin in’autra domena dad e-mail. Per in nov context professiunal respectivamain per in’autra organisaziun sto vegnir utilisà in nov Business Account.
La recepziun a l’adressa dad e-mail professiunala vegn verifitgada durant l’onboarding e suenter almain ina giada per onn. Tar in login pon applicaziuns da destinaziun pretender ina verificaziun pli actuala da la recepziun.
Il Business Account na conferma betg che la persuna titulare dal conto saja emploiada tar l’organisaziun respectiva u haja il dretg d’agir per quella. El na conferma er nagina rolla, substituziun, autorisaziun da represchentanza u dretg da suttascripziun. Questas relaziuns ed autorisaziuns vegnan determinadas dals sistems da destinaziun responsabels respectivamain da lur gestiun da las autorisaziuns.
In Business Account po vegnir declerà cun shared_use=true sco eventualmain utilisà communablamain. Quai na mida nagut vi dal fatg ch’il conto AGOV represchenta vinavant la persuna natirala sin il num da la quala il conto è registrà. La decleraziun da Shared Use n’è nagina permissiun per l’utilisaziun communabla e na determinescha betg tgenina persuna che exequescha effectivamain ina tscherta operaziun.
AGOV na metta a disposiziun nagina funcziun per transferir l’identitad d’in conto AGOV existent d’ina persuna natirala ad in’autra persuna natirala. Ina midada da persuna u d’organisaziun vegn perquai da princip realisada cun in nov conto configurà adequatamain e cun adattar las autorisaziuns en las respectivas applicaziuns da destinaziun.
Per l’utilisaziun privata recumandain nus in conto AGOV privat separà cun ina adressa dad e-mail privata che po vegnir utilisada, sche pussaivel, a lunga vista.
Links connexs:
- FAQ 1.1
1 - FAQ 1.1
2 - FAQ 1.1
4 - Business Account (agov.ch/bi
z )