Vus pudais duvrar il login dad AGOV en la correspundenza electronica cun tut las autoritads svizras che sa participeschan tar AGOV – tranter quellas ils chantuns, lur vischnancas, l' administraziun federala sco er terzas persunas cumpatiblas cun l' EMBAG (EMBAG: Lescha federala davart il diever da meds electronics per ademplir incumbensas uffizialas).

Vus pudais administrar Voss login dad AGOV sin agov.ch/me.

En las proceduras da login tradiziunalas vegnan duvrads il num d’utilisader e la clav d’access, eventualmain cumpletads cun in segund factur d’autentificaziun.

Cun AGOV, però, vegnan remplazzads il num d’utilisader e la clav d’access tradiziunals – inclus ils segunds facturs – tras applicaziuns specificas* sin il smartphone u tras clavs da segirezza (en il pled popular: «stick FIDO»). Quai è ina soluziun segira ed er fitg commoda per l’utilisaziun.
* App swiyu cun l’e-ID svizra e/u l’app AGOV access.

AGOV vegn manà da la Confederaziun en agens centers da datas en Svizra. Là èn arcunadas er Vossas datas.

Excepziuns:
Vossas clavs d’access (artefacts cryptografics) vegnan memorisadas en il chip da segirezza da Voss smartphone u en quel da Vossa clav da segirezza (FIDO2). Sche Vus accedais a Voss smartphone u a Vossa clav da segirezza via biometria, Vossas datas biometricas restan memorisadas exclusivamain sin l’apparat u sin la clav da segirezza e na vegnan betg transmessas ad AGOV.

L'app AGOV access è bler pli segira che per exempel l'app Authenticator da Google, perquai ch'ella memorisescha Voss code d'access (artefacts criptografics) sin il chip da segirezza da Voss smartphone. Questa tecnologia garantescha in stgalim da segirezza spezialmain aut, uschia che l'app AGOV access è ordvart resistenta envers attatgas da hackers. Er bancas lavuran cun questa furma segira da l'autentificaziun e porschan atgnas apps d'access.

La procedura cun apps d'access premetta che mintga instituziun mettia a disposiziun sia atgna app. L'app na po e na dastga numnadamain betg vegnir duvrada per plirs sistems en mira. L'app AGOV access è vegnida sviluppada spezialmain per la correspundenza electronica segira cun autoritads. L'app AGOV access pon ins chargiar giu gratuitamain da l'Apple App Store e dal Google Play Store. Cun main che 100 MB dovra ella fitg pauc spazi d'arcunaziun sin Voss smartphone.

Passkeys èn ina metoda moderna e segira per s’annunziar senza pled-clav, nua che ina clav criptografica vegn memorisada sin il dispositiv da l’utilisader.

Per motivs da segirezza e regulaziuns, AGOV permetta dentant be clav criptograficas che vegnan memorisadas localmain en in chip da segirezza* - per exempel sin ina clav da segirezza FIDO2 u directamain sin il dispositiv.

Passkeys che vegnan sincronisadas tranter plirs apparats sur servetschs da cloud sco iCloud u Google vegnan consideradas sco main fidablas, perquai che ellas pon potenzialmain vegnir exportadas. Per garantir en mintga mument l’origin e l’integritad da las clavs, AGOV accepta be clavs colliadas cun il hardware, che na pon ni vegnir transferidas, ni exportadas, ni sincronisadas. L’app AGOV access e l’app swiyu per l’e-ID svizra adempleschan gia cumplettamain quests resquists.

Sistems da gestiun

L'app AGOV access sto cuntegnair ils pli auts standards da segirezza. Perquai na funcziunescha ella betg sin apparats cun access root ni en ambients da sistem cun sistems operativs modifitgads. Apparats rootads pon evitar mecanissems da segirezza criticamain impurtants e perquai represchentan in privel potenzial per l'integritad da l'app sco er per la confidenzialitad da datas sensiblas da l'utilisader. L'utilisaziun da l'app è perquai restrenschida exclusivamain sin versiuns originalas dad Android, sin apparats certificads da Google e sin sistems operativs iOS.

Sistems da gestiun, sin ils quals l' AGOV access funcziuna.

iOS Icon

Apparats mobils dad Apple cun sistems da manaschi iOS 12 u pli novs.

Telechargiar l’AGOV access sin Apple App Store.

Android Icon

Apparats mobils cun sistem Android 7 ni pli novs.

Telechargiar l'AGOV access sin Google Play Store.

Infurmaziun impurtanta:
Sche Vus n'avais pli nagin factur login per Vossa AGOV, p.ex. pervia da perdita u da defect, perdais Vus tut Voss access sur AGOV e stuais far ina restauraziun pretensiusa sur il portal da support «AGOV me». Quest cas pudais Vus evitar, sche Vus registrais supplementarmain in u plirs apparats mobils cun la AGOV access app ubain in'ulteriura clav da segirezza (FIDO2) en Voss conto dad AGOV.

Qua chattais Vus ina glista da las clavs da segirezza adattadas.

Da princip stat AGOV a disposiziun a tut las persunas sin l'entir mund, independentamain da la vegliadetgna, da la maiorennitad, da la derivanza, dal lieu da dimora u d'autras caracteristicas persunalas. In conto AGOV represchenta adina ina persuna natirala che agescha u per sasezza u per insatgi auter (guardar latiers er la suandanta dumonda davart persunas giuridicas).

En reguard giuridic tecnic vala il suandant:

• Sch' i dat restricziuns da l' internet sin elements d' adressat da AGOV u sin applicaziuns da finamiras, p.ex. bloccadas dal stadi, na pon la AGOV e sias applicaziuns da finamiras betg vegnir utilisadas directamain sur las colliaziuns pertutgadas.
  
• Sch'i n'è betg pussaivel da chargiar giu l'app AGOV access (p.ex. pervia da limitaziuns d'apparats u da pajais), èsi necessari da far diever da clavs da segirezza FIDO2.

La verificaziun, sch'ina tscherta persuna dastga far in'acziun (p.ex. areguard la vegliadetgna minimala, la maiorennitad u l'appartegnientscha ad in'organisaziun), è chaussa da las applicaziuns da destinaziun, betg dad AGOV. Er la decisiun, sche l'identitad sto esser vegnir verifitgada sur AGOV a maun d'in document d'identitad uffizial, è chaussa da l'applicaziun da destinaziun respectiva.

Questas verificaziuns da l'identitad èn disponiblas sin plaun internaziunal (documents d'identitad acceptads tenor: glista da pajais). Sch'ina applicaziun da destinaziun pretenda stringentamain il numer AVS sur AGOV, sa restrenscha il circul d'utilisadras e d'utilisaders pussaivel a persunas cun in numer d'assicuranza sociala svizzer (NAVS13).

Per las persunas giuridicas ageschan persunas natiralas e questas pon duvrar logins dad AGOV. L'attribuziun da las persunas natiralas a las persunas giuridicas na vegn betg reproducida en AGOV, mabain è chaussa dals sistems en mira.

Ti has la libertad da manar plirs contos AGOV ed eleger sez tgei adressas da e-mail duvrar. L’adressa da e-mail che vegn memorisada en AGOV ei buca previda sco adressa da corrispundenza en il senn d’ina administraziun da partenaris da fatschenta dils sistems destinataris, denton numerus sistems destinataris sa refereschan tier quella.

Perquei ei pratica frequenta - ed inschients sistems destinataris prefereschan era cleramein - da crear in ulteriur conto AGOV cun l’adressa da e-mail da fatschenta. Igl exista negina basa legala che impedeschia ils sistems destinataris da pretender questa schliaziun dils utilisaders finals.

El rom dalla migraziun da CH-LOGIN tier AGOV vegn recumandau da duvrar in conto AGOV cun la medema adressa da e-mail per evitar problems potenzials - surtut tier quels sistems che duvran l’adressa da e-mail sco identificatur principal.

Per plaschair notei: L’adressa da e-mail liada cun in conto AGOV sa vegnir midadada mintgamai sin agov.ch/me. Sch’ei vegn maneivel plirs contos AGOV en tia app AGOV access, ei impurtont da marcar quels claramein per far diever adina dil conto correct.

Na. AGOV na reflectescha betg ils dretgs d’access, affiliaziuns, substituziuns, relaziuns fiduziarias e chaussas sumegliantas. Tut quai vegn administrà e controllà dals sistems en mira. AGOV na definescha damai betg, sche Vus agis sco persuna privata, per incumbensa d’ina organisaziun u en in’autra rolla - l’interpretaziun e l’examinaziun da la rolla concreta vegnan fatgas unicamain tras il sistem en mira.

En la direcziun inversa vala dentant: Ina persuna natirala po disponer da plirs contos dad AGOV (mintgamai in per mintga adressa dad e-mail) e decider en moda autonoma, tge conto ch’ella vul duvrar en tge context.

Perquai che AGOV na gestiunescha betg affiliaziuns (vesair FAQ 1.19), lur durada da validitad vegn administrada en ils respectivs sistems da destinaziun.

AGOV po vegnir utilisà en tut ils contexts (X2G*), cun prender en consideraziun spezialmain ils puncts menziunads en las FAQ 1.10 fin 1.12.
*

• G2C – Government to Citizen: Regenza → Burgheir, p.ex. decleraziun d’impostas en-ligna, documents d’identificaziun, portals d’e-government
  
• C2G – Citizen to Government: Burgheir → Regenza, p.ex. far annunzias, dar feedback, far communicaziuns
  
• G2B – Government to Business: Regenza → Interpresas, p.ex. register da commerzi, subvenziuns, regulaziuns
  
• B2G – Business to Government: Interpresas → Regenza, p.ex. furniziuns a las autoritads, concurrenzas publicas, servetschs
  
• G2E – Government to Employee: Regenza → Employads, servetschs interns da persunal, scolaziuns, communicaziun interna
  
• E2G – Employee to Government: Employads → Regenza, p.ex. remessas internas, communicaziuns da persunal, formulars da conformitad
  
• G2G – Government to Government: Regenza → Regenza, cooperaziun tranter administraziuns, barat da datas

Contos da login dad AGOV sa refereschan a persunas e represchentan adina exactamain ina persuna natirala, independentamain dal fatg, sche quella agescha via login dad AGOV per sasezza u per incumbensa, per exempel per ina corporaziun. La responsabladad per l'utilisaziun dal login dad AGOV confurm a l'urden, per las applicaziuns respectivas e per las transacziuns fatgas cun il conto ha questa persuna natirala. Quai signifitga che la persuna è er responsabla per il deposit segir e per l'utilisaziun adequata dals facturs da login respectivs (app AGOV access e/u clavs da segirezza). Sche questa persuna transmetta in login dad AGOV ad ina u a pliras persunas per l'utilisaziun, vegnan revelads u surdads ils facturs da login tras la persuna transmettenta (tras ina surdada fisica u tras la registraziun da clavs da segirezza u d'apps AGOV access che na stattan betg unicamain sut la controlla dals possessurs dal conto da login dad AGOV). I na dat nagina basa giuridica che scumonda questa procedura per AGOV. Resalvadas restan dentant disposiziuns areguard las applicaziuns da destinaziun respectivas ed areguard las transacziuns fatgas.

Sco resumaziun vala il princip tenor il video «7 tips impurtants». Voss login dad AGOV è persunal. N'al dai betg vinavant e na registrai betg telefonins u clavs da segirezza sco facturs da login AGOV, sche Vus n'avais betg la controlla exclusiva.

Er per AGOV vala l'obligaziun da concepir in access senza barrieras tenor las basas che figureschan qua sutvart*. Per cuntanscher l'access senza barrieras realiseschan ils sviluppaders dad AGOV las recumandaziuns da las Web Content Accessibility Guidelines (WCAG) e fan tests d'utilisaziun cun persunas che dovran tscherts aspects da l'access senza barrieras. Las utilisadras ed ils utilisaders dad AGOV pon annunziar a l'administraziun federala realisaziuns manglusas u suboptimalas da l'access senza barrieras ad AGOV (accessibility@agov.ch – questa adressa dad e-mail prenda encunter exclusivamain annunzias davart l'access senza barrieras, per in support èsi en mintga cas da consultar agov.ch/help). Cun utilisar AGOV vegn duvrada per gronda part l'app AGOV access (iOS u Android). Er questa app AGOV access è senza barrieras ed interagescha stretgamain cun ils mecanissems d'accessibladad dal sistem operativ dal telefonin. Per persunas tschorvas che utiliseschan AGOV poi esser in obstachel da stuair far in scan dal code QR dad AGOV, perquai che las persunas tschorvas dovran l'internet savens senza envidar il monitur. L'alternativa a l'app AGOV access èn las clavs da segirezza, lur cas d'utilisaziun vegn mussà cumplettamain sin il lectur dal visur ed en la lingia Braille.

*

L'artitgel 8 alinea 2 da la Constituziun federala pretenda che persunas cun in impediment corporal, spiertal u psichic na vegnian betg discriminadas.

La Lescha davart l'egualitad da persunas cun impediments (Llmp) oblighescha da prender mesiras per impedir, per reducir u per eliminar dischavantatgs.

L'Ordinaziun davart l'egualitad da persunas cun impediments (OImp) cuntegna disposiziuns concernent las pretensiuns da concepir ils servetschs da la Confederaziun tenor ils basegns da las persunas cun impediments.

L'artitgel 9 da la Convenziun da l'ONU davart ils dretgs dals umans cun impediments (CRPD) explitgescha la garanzia d'in access cun ils medems dretgs ad infurmaziuns ed a servetschs per la publicitad.

Dapi ils 28 da zercladur 2025 è plinavant en vigur il European Accessibility Act (EAA). Las regulaziuns da quel èn relevantas er per las interpresas svizras, sche talas furneschan products u servetschs en la UE.

Sin la pagina stattan a Vossa disposiziun diversas paginas da test.

In conto AGOV è adina attribuì exact ad ina persuna natirala. Vossas datas persunalas furman la basa per questa attribuziun e per l’elavuraziun da Voss affars d’autoritad. Las autoritads defineschan per tge cas da fatschenta che Vus stuais avair memorisà en AGOV supplementarmain in document d’identitad uffizial (document cun maletg u l’e-ID svizra) ed eventualmain era Voss numer AVS. En general èn ils intents e las basas legalas per l’elavuraziun da datas tras AGOV inditgads en la decleraziun davart la protecziun da datas. L’elavuraziun da Vossas datas persunalas en ils affars d’autoritad sezs, pia suenter AGOV, sa basa sin las respectivas basas legalas da questas autoritads.

AGOV porscha la pussaivladad da verifitgar e da deponer documents d’identitad uffizials cun fotografia. Il conto AGOV vala lura sco verifitgà. Mintga autoritad definescha per sias atgnas fatschentas, sch’in conto AGOV sto vegnir verifitgà u betg. Sche necessari, maina AGOV automaticamain las utilisadras ed ils utilisaders finals en il process da verificaziun da l'identitad. Ina verificaziun da l'identitad è valaivla en l'entir ecosistem AGOV e vala tschintg onns. AGOV porscha differentas metodas per verifitgar l'identitad:

1. Posta: Per persunas en Svizra il servetsch da verificaziun da l'identitad «BVI» da la Posta Svizra SA.
   
2. Online: Per persunas en Svizra ed a l'exteriur in proceder d'identificaziun online tenor la Lescha federala davart ils servetschs da certificaziun sin il champ da la signatura electronica e d’autras applicaziuns da certificats digitals (CertSE).
   
3. Spurtegl: Per persunas en chantuns cun in spurtegl chantunal AGOV l'identificaziun al spurtegl.
   
4. e-ID: Persunas che possedan ina e-ID svizra pon mussar quella directamain en AGOV; il conto AGOV è lura automaticamain verifitgà en connex cun l’identitad.

Betg tut las metodas da verificaziun da l'identitad na vegnan adina purschidas en tut ils contexts. Quai vegn determinà da l'autoritad correspundenta.

La metoda «II. Online» po vegnir applitgada exclusivamain da purschiders da servetschs certifitgads tenor la lescha federala «CertSE». L'administraziun federala determinescha per tschertas periodas in u plirs da quests purschiders da servetschs tenor la Lescha federala davart las acquisiziuns publicas (LAP). Il mument che quest artitgel FAQ è vegnì redigì (2025), è quai l’interpresa Intrum SA.

Sche Vus avais collià Vossa e-ID svizra cun Voss conto AGOV, ha la e-ID sezza ina data da scadenza, ma betg Voss conto AGOV. Vus pudais simplamain renovar (laschar emetter da nov) Vossa e-ID e cuntinuar ad utilisar Voss conto AGOV sco usità cun la nova e-ID.

Sche Vus avais memorisà in document d’identitad uffizial cun fotografia en Voss conto AGOV (ina verificaziun d’identitad AGOV senza e-ID svizra), è questa verificaziun d’identitad valabla per tschintg onns. Suenter questa perioda sto la verificaziun vegnir repetida. Voss conto AGOV resta activ; Vus vegnis simplamain envidads da far ina nova verificaziun d’identitad.

Er sch’il Vus midais artefacts che Vus duvrais per AGOV, p.ex. smartphone, clav da segirezza FIDO u adressa d’e-mail, Voss conto AGOV na scada betg. Tegnai per plaschair Vossa adressa d’e-mail adina actuala sin agov.ch/me, per che Vus pudais retschaiver e-mails d’AGOV en cas da recuperaziun dal conto.

Perquai che AGOV na gestiunescha betg affiliaziuns (vesair FAQ 1.12), lur durada da validitad vegn administrada en ils respectivs sistems da destinaziun.

AGOV vegn manà d'ina organisaziun 7/24 en ils centers da computers da l'administraziun federala, e sia disponibladad vegn survegliada automaticamain. La plattafurma e la software èn concepidas per ina gronda resilienza. Eventuals disturbis vegnan adina eliminads uschè svelt sco pussaivel.

Sin la pagina d'internet agov.ch/help chattan utilisadras ed utilisaders artitgels d'agid che pussibiliteschan da schliar in problem en moda autonoma en la plipart dals cas. Sche las utilisadras ed ils utilisaders na pon tuttina betg schliar il problem, sa drizzan els directamain al post cumpetent per l'applicaziun ch'els vulan utilisar. Quai po per exempel esser in'autoritad chantunala u in uffizi federal che ha per regla publitgà la pussaivladad d'entrar en contact sin la pagina d'internet da l'applicaziun correspundenta. Sco alternativa pon utilisadras ed utilisaders contactar ils responsabels sur la pagina d'internet agov.ch/help cun consultar l'artitgel d'agid correspundent e far là a la fin ina dumonda al support (sut «As avain nus pudì gidar?», cliccar sin «Na, jau vuless avrir in ticket»).

Sin agov.ch/help chattais Vus soluziuns per problems tipics. Là pudais Vus avrir in cas da support, al qual nus respundain uschè svelt sco pussaivel.

Il support per las autoritads che participeschan vegn furnì dal support da segund nivel durant las uras da biro, e quai exclusivamain cun in ticket d'elavuraziun online. Per quest intent visitai la pagina d'internet agov.ch/help e cliccai sin l'artitgel d'assistenza correspundent; la creaziun d'in bigliet online cumenza a la fin da l'artitgel d'assistenza.

Ils parameters d’access AGOV (facturs da login) pon vegnir restituids via il Self-Service. Las instrucziuns correspundentas èn chattablas sin agov.ch/help. Tenor la situaziun, il process po esser cumplex e pretender ina verificaziun d’identitad pussaivlamain cun custs.

Per evitar quai, recumandain nus da registrar dus facturs da login: l’app AGOV access sin il smartphone ed ina clav da segirezza FIDO. Ulteriurs facturs pon vegnir registrads sut agov.ch/me.

Era sch’il PIN da tia app figura sin ina glista da plaids-clav debols ni sgleitgs ch’ei sin la darknet, ei quei buca in ristg per la segirtad da l’app AGOV access.

Las raschuns:

1. l PIN protegia mo l’access local a l’app - e buca tia identitad digitala.
   Era sch’ins enconuscha il PIN, drova el era tes smartphone sbloccau. Senza access al device, ei il PIN sulet nunutilisabel.
   
2. L’app sa protegia activmein cunter empruadas fallidas repetidas.
   Suenter pliras entradas fallidas vegn l’access bloccaus ni l’app resetada. Aschia ei buca pusseivel da empruar blers PINs (bruteforcing).
   
3. Il PIN substituescha buca in’autenticaziun ferma.
   L’app AGOV access utilisescha ulteriurs mecanissems da segirtad per s’annunziar tier survetschs online - sco certificats digitals ni autenticaziun cun dus facturs. Il PIN ei mo ina protecziun supplementara sil apparat.
   
4. Tiu smartphone porscha ulteriuras tiaras da segirtad.
   Normalmein ei il device era protegì cun emprema digit, Face ID ni in code da l’apparat. L’app resta aschia segirada schizun sch’ins enconuscha il PIN.

Applicaziuns cun impurtanza segireivla, sco AGOV access, san mo vegnir duvradas sch’ei ha in scumondarigl (lock) sin il smartphone - sco per exempel in PIN, in model, in dett digital ni la reconschientscha faciala (Face ID). Quella pretensiun ha plirs motivs impurtonts per la segirtad.

D’ina vart protegi’la applicaziun datas persunalas e sensiblas - sco per exempel per banca electronica, sanadad, communicaziun d’e-mails, administraziun ni sistems d’interpresa. Sch’il apparat vegn piars ni engulads, san persunas nunautorisadas survegnir access als datums.

D’autra vart dovran applicaziuns modernas metodas d’autentificaziun ch’ein coligadas cun il scumondarigl - sco biometria (dett ni fatscha), ni clavs criptograficas. Quellas funcziunan mo sch’il lock ei activ.

Ultra da quei pretendan reglas legals ni administrativas ch’ina tala mesira da protecziun vegni dau - sco per exempel tier bancas (EU-directiva PSD2), sanadad (DSG, LDEP), ni administraziun publica (eGovernment) cun MDM.

Plinavon gida il lock da schurmetter cunter abusei sch’il apparat vegn piars. El impedescha access a las apps senza segirtad supplementara.

Perquei ei quei normal ed en biars cass era necessari ch’ils apps cun pretensiuns da segirtad mo funcziunan sch’il lock sin igl apparat ei activ. Aschia vegn protegiu igl access a Vossas datas.

Impurtont: L’app AGOV access metta buc automaticamein in lock sin il telefonin, mobein pretenda ch’ei vegni fatg.

Per plascher considerai: Ei ei Vossa responsabladad da tscharner in metod da bloccar ed a tener el uschia ch’el resta accessibel - per exempel cun arcunar el en moda segira ni documentar il code PIN duvraus. Il process da recuperaziun AGOV na sa buca restabilir l’access tier Vies smartphone sche Vus essas vegnìs excludi dad el.

Alternativa: Sche Vus vulis buc duvrar in lock sin Voss apparat, san ins era duvrar ina clav da segirtad FIDO2 per AGOV access.

L'app AGOV access pretenda auts standards da segirezza dal apparat duvrà. Sche l'app na po betg vegnir installada u avierta sin in smartphone pli vegl u modifitgà, è quai per ordinari pervia d’in u plirs facturs relevants per la segirezza.

In motiv frequent è che l’apparat è vegnì «rootà» (Android) u «jailbreakà» (iOS). Quai èn intervenziuns en il sistem operativ per survegnir access a zonas protegidas. Questas midadas dattan pli bler controlla, ma schliatan er mecanissems da segirezza basics. Il ristg ch’il malware vegn manà ora u che datas sensiblas vegnan enguladas crescha. Er apparats cun «Custom ROMs» u bootloader sbloccà valan sco periclitads. L'app AGOV access n’accetta betg quests apparats per raschuns da segirezza.

Ina segunda raschun po esser che il chip da segirezza manca. Apparats moderns han cumpunents sco il «Secure Element», il «Trusted Platform Module (TPM)» u il «Trusted Execution Environment (TEE)». Sin apparats Apple fa quai la «Secure Enclave», sin Samsung savens «Knox». Quels èn indispensabels per apps criticas cun certificats d’apparat u FIDO2. Sch’ils mancan, na funcziuna betg l’app.

Er versiun veglias dal sistem operativ pon esser problematicas. Android ed iOS senza updates da segirezza cuntegnan vulnerabilitads. Perquai pretenda l’app in sistem actual, anc sustegnì. Sche quai manca, na vegn l'app betg a startar.

Cas specials èn variants nunconuschentas d’Android u distribuziuns spezialas. Er sche segiras, na vegnan ellas betg acceptadas sche betg sin la «whitelist». Sch’il sistem n’è betg vegnì approvà uffizialmain, na vegn l'app AGOV access betg a funcziunar.

L'app pretenda er funcziuns activas sco in scumond da scherm (PIN, impressiun dal det u vischinanza), sco er la controlla da l’integritad dal sistem. Sche quels mancan, na pon ils standards da segirezza betg vegnir garantids.

Resumaziun: L'app AGOV access funcziuna mo sin apparats betg modifitgads, actuals e segirs ch’èn sin la glista da cumpatibilitad. Quai protegia Vossas datas ed ils sistems.

Sche Voss apparat n'è betg cumpatibel, pudais Vus alternativamain utilisar ina clav da segirezza FIDO2.

AGOV e CH-LOGIN vegnan duvrads actualmain en il manaschi parallel. Il CH-LOGIN stat mo a disposiziun per il e-government da l'administraziun federala, entant che AGOV po vegnir applitgà da tut las autoritads svizras. Il CH-LOGIN vegn remplazzà cumplettamain tras AGOV uschè svelt sco pussaivel. Gia oz po vegnir midà per tut las applicaziuns da CH-LOGIN sin AGOV.

La e-ID statala svizra vegnan ins a pudair utilisar directamain en AGOV sco factur da login, uschia che l'app AGOV access (e la clav da segirezza) daventa obsoleta per las utilisadras ed ils utilisaders da la e-ID. L'annunzia ad AGOV cun l'app AGOV Access u cun ina clav da segirezza resta vinavant disponibla sco alternativa. Uschia han ils utilisaders la libertad da tscherner sche els vulan utilisar l'e-ID, l'app AGOV Access u la clav da segirezza sco factor d'annunzia. AGOV vegn er a sustegnair da colliar contos dad AGOV existents cun la nova e-ID (n:1). La e-ID porta per AGOV e per las applicaziuns da destinaziun respectivas la plivalur, che l’identitad effectiva da las utilisadras finalas e dals utilisaders finals è confermada en moda fidabla, senza ch'ellas ed els stoppian percurrer en AGOV ina procedura per controllar l'identitad sco p.ex. l'identificaziun cun video.
Vesair il video: « Utilisaziun da l’e-ID cun AGOV – explicaziun curta »

Dieses Video zeigt, wie die staatliche Schweizer e-ID direkt als Login Faktor über den Authentifizierungsdienst der Schweizer Behörden AGOV verwendet werden kann.

L’app AGOV access po vegnir colliada cun Voss conto AGOV e serva lura sco factor d’annunzia per las proceduras d’autentificaziun via AGOV.

En l’app da portmonn digital swiyu pudais Vus tranter auter memorisar Vossa e-ID svizra*. Questa e-ID po era vegnir duvrada sco factor d’annunzia per las annunzias ad AGOV.

Vus avais la libertad da tscherner, sche Vus vulais duvrar per Voss login ad AGOV l’app AGOV access, l’app da portmonn digital swiyu cun Vossa e-ID*, u ina clav da segirezza (FIDO2). Quels factors d’annunzia pon era vegnir cumbinads liberamain.

* uschè spert sco ch’ella è disponibla

Per il servetsch d'autentificaziun da las autoritads svizras han ins tschertgà in num curt, ch'è facil da pronunziar e ch'ins po duvrar – senza translaziun – en tut las linguas naziunalas sco er en englais, e ch'era disponibel en Svizra sco proprietad intellectuala.

L'acronim «AGOV» sa cumpona da las noziuns «autentificaziun» e «government». El vegn pronunzià sco quai ch'el vegn scrit: /ˈa.ɡɔv/

L'identitad visuala dad AGOV sa basa sin ina paletta da colurs deducida da l'Administraziun digitala Svizra (ADS). La finamira è quella, da desister sapientivamain da colurs dals chantuns u da la Confederaziun svizra – perquai ch'il fluss dal login sur AGOV resorta da differentas autoritads e maina er puspè enavos tar quellas.

Il logo da AGOV sviluppa ils quadrats dal logo da ADS en ina furma extendida che simbolisescha il manico d’üna clav.

La concepziun dad AGOV è orientada a la buna utilisabladad ed a l'accessibilitad senza barrieras: Ella porscha cuntrasts optimals, in maletg adattà a tut las grondezzas da moniturs ed ina structura dals cuntegns ch'è optimada per meds auxiliars sco screenreaders.

Per l'elavuraziun da las recensiuns n'è betg responsabla la Confederaziun svizra, mabain ils purschiders da las plattafurmas respectivas – p.ex. Google ed Apple. Valair valan las cundiziuns d'utilisaziun respectivas da quests purschiders. La Confederaziun svizra elavurescha betg ella sezza las valitaziuns. Dumondas e propostas davart l'app AGOV access pon vegnir inoltradas sur il formular da support sin agov.ch/help.

Il dumber da las recensiuns ch'entran è fitg pitschen (en la dimensiun da promils da las utilisadras e dals utilisaders dad AGOV). Cuntrari a bleras autras apps, na dumonda l'app AGOV access numnadamain mai da far ina valitaziun. Las recensiuns vegnan mo fatgas sin atgna iniziativa da las utilisadras e dals utilisaders sur la plattafurma respectiva.

Nus na chattain naginas reglas spezials per ofertas da scolaziun e support privat en connex cun prestaziuns publicas; vala la libertà dal martgà. La Confederaziun svizra (administraziun federala) na verifica betg e na certifica questas ofertas.

È responsabladad dals utilisaturs finals da valorar l'adattament, la qualitad e la serietad da las ofertas e da decider sch'i vulan utilisar quellas. I è da prestar particularemengia attenziun a tals datas persunalas che vegnan reveleadras. Las datas d'acceder na duain betg vegnir partì.

Il login d’AGOV suonda trais princips directivs: segirezza, simplicitad d’utilisaziun e accessibladad. Quels èn vegnids verifitgads da spezialists da segirezza ed approvads en tests cun utilisaders.

Utilisaziun simpla en la vita da mintgadi
Il login è fitg simpel. El funcziuna en maniera sumeglianta ad ina pajamenta cun TWINT:
Avrir il smartphone → scannar il code QR → fatg.

Configuraziun unica
Be l’emprima configuraziun è in zic pli pretensiusa. Ella è sumeglianta a la configuraziun d’in access d’e-banking cun smartphone:

• L’applicaziun* correcta sto vegnir telechargiada da l’Apple App Store u dal Google Play Store.
  
• Suenter sto vegnir fatga l’annunzia (registraziun).

Per persunas che installeschan darar novas applicaziuns po quai esser in pitschen obstachel all’inizi – per exempel sche las datas d’access als contos Apple u Google na stattan betg immediat a disposiziun.

Sustegn ed inclusiun
Betg tuts utilisaders han la medema experientscha cun process digitals. Perquai è impurtant che infurmaziuns claras, instrucziuns simplas e sustegn confidaivel stattan a disposiziun (portal d'agid AGOV agov.ch/help). Er l’agid da la famiglia u da conuschents ha ina gronda rolla. Uschia pon er persunas cun main experientscha profitar a partir dal principi da soluziuns segiras e simpels da duvrar.

** uschespert che disponibel

En l’app AGOV access funcziunan mo ils veritabels codes QR d’AGOV. L’app da camera po però er avrir codes QR che mainan sin websites externs. Questa funcziun po uschia manar sin paginas fraudulusas – ina pratica numnada Quishing.

Il term Quishing deriva modernamain dal pled Phishing, che vegn dal englais Fishing (« pestgar »). Entant che Phishing designescha oriundamain il «pestgar» pleds-clav u datas confidenzialas tras e-mails u websites engionus, signifitga Quishing la medema metoda fraudulusa, ma tras in code QR. Il pled deriva da la cumbinaziun da QR (da Quick Response, il num dal code matricial quadrat) e Phishing. Uschia resulta ina cumbinaziun concisa che descriva tant il portader d’infurmaziun (code QR) sco er la metoda (Phishing) – pia QR-Code-Phishing → Quishing.

Qua chattais Vus las FAQ tecnicas sco er las-endataziuns dal glossari: FAQ & Glossari