7 impurtants Tips per utilisadras ed utilisaders da l'AGOV

Bainvegni tar AGOV. Consultai per plaschair quest video fin la fin. El As dat set tips fitg impurtants per Voss login dad AGOV.

Tip 1
AGOV generescha per Vus, cun As registrar, in uschenumnà code da recovery. Quel stuais Vus prender obligatoricamain tar Vus e tegnair en salv en in lieu segir. Cun quest recovery-code pudais Vus debloccar Voss conto dad AGOV, sche Vus n'avais betg exequì ina controlla da l'identitad supplementara. Tar contos dad AGOV cun identitad controllada stuais Vus repeter la controlla da l'identitad sco recovery. Da quai resultan custs supplementars. Nus As recumandain perquai instantamain il tip 2.

Tip 2
Cumprai ina clav da segirezza FIDO e registrai quella sco ulteriur factur da login en agov.ch/me. Uschia avais Vus, ultra dal code da recovery menziunà al cumenzament, in'ulteriura ancra da spendrament. Sche Vus avais gia in conto dad AGOV cun identitad controllada, è quai Voss sulet agid en cas da basegn. Ina glista da clavs da segirezza FIDO adattadas chattais Vus sin agov.ch/fido.

Tip 3
L'app AGOV access na po betg vegnir transmessa en moda funcziunala d'in smartphone ad in auter, p.ex. ad in apparat nov. Sche Vus midais il telefonin, pensai pia exnum vidlonder d'As annunziar cun il vegl telefonin in'ultima giada en agov.ch/me, per registrar en AGOV il nov telefonin respectivamain l'app AGOV access ch'è installada da nov sin tal.

Tip 4
Sche Vus avais installà l'app AGOV access sco factur da login sin Voss smartphone, na dastgais Vus en nagin cas stizzar u metter enavos questa app. Uschiglio pudais Vus serrar or Vus sezza u Vus sez.

Tip 5
Voss login dad AGOV è persunal. N'al dai betg vinavant e na registrai betg telefonins u clavs da segirezza FIDO sco facturs da login AGOV, sche Vus n'avais betg la controlla exclusiva.

Tip 6
Tegnai actuala Vossa adressa dad e-mail che Vus avais deponì en AGOV, per che nus As possian sustegnair per e-mail en cas che Vus vulais restabilir Voss conto. Administrai Vossas datas sut l'adressa d'internet agov.ch/me.

Tip 7
Scannai il code QR per il login dad AGOV mo sin la pagina originala dal login dad AGOV. Mo sche agov.admin.ch è la domena da la pagina da login, èsi la pagina originala. Ulteriuras infurmaziuns en chaussa chattais Vus sut agov.ch/qr.

Nus engraziain per Vossa attenziun. Sustegn survegnis Vus sin la pagina d'internet agov.ch/help.

Nus fagein attents Vus che la reconstrucziun da Vies conto per raschun da perdita dils facturs da login po esser sutamessa a taxas.

AGOV è il login administrativ en Svizra.

Vus pudais utilisar il login tar la Confederaziun sco er tar las autoritads chantunalas e communalas che participeschan.

Per exempel, sche Vus vulais emplenir e trametter Vossa decleraziun da taglia sin via electronica.

Il login dad AGOV è simpel e segir.

El funcziuna senza pleds-clav.

Vus avris l'applicaziun da l'autoritad giavischada sin Voss computer e scannais il code QR cun l'app AGOV access sin Voss smartphone.

Cun quai è il login gia fatg.

L'app AGOV access vegn protegida tras l'access biometric sin Voss smartphone u tras in PIN.

L'app AGOV access per Voss smartphone pudais Vus chargiar giu gratuitamain dal Apple App Store u dal Google Play Store e registrar sin AGOV.

Sco alternativa u sco varianta cumplementara al smartphone pudais Vus utilisar uschenumnadas clavs da segirezza.

Quellas èn er enconuschentas sco FIDO tokens ed èn d'obtegnair en fatschentas d'electronica.

Per As registrar l'emprima giada sin AGOV na stuais Vus betg preschentar Voss document d'identitad uffizial, p.ex. la carta d'identitad u il passaport.

Sch'ina applicaziun che utilisescha AGOV sco login administrativ, pretenda ina controlla da l'identitad, as porscha AGOV automaticamain pussaivladads da preschentar in document d'identitad uffizial.

La controlla da l'identitad vala alura per 5 onns en l'entir ecosistem dad AGOV.

Cura che la e-ID svizra uffiziala stat lura a disposiziun, pudais Vus utilisar directamain quella empè da l'app AGOV access.

En quest cas è Vossa identitad controllada automaticamain.

L'app AGOV access resta en funcziun sco alternativa.

Sin la pagina agov.ch pudais Vus da tut temp avrir gratuitamain Voss conto dad AGOV.

Quest video mussa, co ch'il login cun AGOV en applicaziuns d'autoritads svizras funcziuna e co ch'ins po sa registrar l'emprima giada.

AGOV è ina procedura da login simpla e segira che vegn utilisada da bleras autoritads svizras per lur applicaziuns dad e-government.

Exempels èn las decleraziuns da taglia electronicas en ils chantuns, il rendaquint da la taglia sin la plivalur online cun l'administraziun federala e bler auter.

La gronda part da las utilisadras e dals utilisaders dovra l'app AGOV access sin ses smartphone sco factur da login en AGOV.

Lain guardar, co che quai funcziuna per Vus.

Avri l'emprim l'applicaziun da l'autoritad giavischada en l'internet.

Cumenzai alura là cun la procedura da login.

L'applicaziun administrativa As maina automaticamain sin AGOV.

Avri l'app AGOV access sin Voss smartphone e scannai cun quel il code QR che vegn mussà sin AGOV.

Voss smartphone controllescha ussa, sch'il smartphone appartegna a Vus.

Qua vegn quai per exempel controllà cun FaceID Cura che l'autentisaziun sin Voss smartphone è terminada, essas Vus er directamain annunzià en l'applicaziun administrativa.

Empè d'in smartphone pudais Vus dal rest er utilisar uschenumnadas clavs da segirezza.

Vus enconuschais forsa ils FIDO sticks ch'ins po cumprar en las fatschentas d'electronica.

In sortiment da FIDO sticks, ch'ins po utilisar cun AGOV, chattais Vus sin la pagina d'internet agov.ch/fido.

Il meglier èsi, sche Vus registrais tuttas duas variantas per Voss login dad AGOV:

Voss smartphone ed ina clav da segirezza.

Uschia avais Vus adina in factur da login sin reserva.

In conto dad AGOV pudais Vus avrir gratuitamain, svelt ed en moda nuncumplitgada online.

Avri in'applicaziun d'ina autoritad giavischada, cumenzai cun la procedura da login e cliccai ussa en AGOV sin «Sa registrar ussa!».

Vus survegnis qua ils codes QR per chattar directamain l'app AGOV access en il Apple App Store u en il Google Play Store.

Chargiai l'app AGOV access sin Voss smartphone.

Cura che Vus avais installà l'app, pudais Vus cumenzar cun la registraziun.

Cliccai sin «Start» ed inditgai Vossa adressa dad e-mail.

Per e-mail survegnis Vus in code che Vus stuais ussa endatar.

Suenter inditgais Vus Vossas datas persunalas.

Alura tschernis Vus sco factur da login per exempel l'app AGOV access e colliais l'app AGOV access cun Voss smartphone, quai cun scannar in'unica giada il code QR che vegn mussà.

AGOV As preschenta alura in uschenumnà recovery code.

Tegnai per plaschair en salv quest code en in lieu segir, per che Vus possias restabilir Voss conto dad AGOV, sche Vus perdais Voss facturs da login.

Ussa è la registraziun terminada e Vus pudais utilisar Voss login dad AGOV.

AGOV è in login simpel e segir.

Dapli infurmaziuns chattais Vus sin la pagina d'internet agov.ch.

Willkommen bei AGOV.

Für gewisse Online-Dienste benötigen Sie ein überprüftes AGOV-Konto.

Dies kann zum Beispiel erforderlich sein, wenn eine Zielapplikation eine bestätigte Identität verlangt.

In diesem Fall werden Sie automatisch zur Identitätsprüfung weitergeleitet.

Dieses Video zeigt Ihnen, wie Sie die ID/Pass-Verifikation online mit einem Smartphone oder Tablet durchführen.

Für die Verifikation benötigen Sie ein bestehendes AGOV-Login, einen gültigen Pass oder eine gültige Identitätskarte, ein Smartphone oder Tablet mit Kamera sowie eine stabile Internetverbindung.

Zudem müssen Sie Ihr AGOV-Login mit der AGOV access App oder mit einem FIDO-Sicherheitsschlüssel bestätigen können.

Starten Sie die Verifikation in AGOV, bestätigen Sie Ihre Identität und wählen anschliessend beim Verifizierungsanbieter die Option Smartphone und Tablet.

Notieren Sie sich die angezeigte Ident-ID und Scannen Sie den QRCode mit Ihrem Smartphone oder Tablet.

Installieren Sie die App IDnow AutoIdent, falls sie noch nicht installiert ist.

Öffnen Sie die App, geben Sie Ihre notierte Ident-ID ein und folgen Sie den Anweisungen auf dem Bildschirm.

Legen Sie danach Ihr Ausweisdokument bereit.

Achten Sie auf gute Beleuchtung und darauf, dass Ihr Ausweis vollständig sichtbar und gut lesbar ist.

Die App führt Sie nun Schritt für Schritt durch die Prüfung.

Dabei wird Ihr Ausweisdokument erfasst.

Je nach Dokument werden die Vorder- und Rückseite oder die Datenseite des Passes benötigt.

Anschliessend werden Sie aufgefordert, Ihr Gesicht mit der Kamera aufzunehmen.

So wird geprüft, ob Sie die Person auf dem Ausweisdokument sind.

Halten Sie Ihr Smartphone oder Tablet ruhig und folgen Sie den Hinweisen in der App.

Wenn alle Schritte abgeschlossen sind, wird Ihre Verifikation geprüft.

Dies kann bis zu 24 Stunden dauern.

War die Prüfung erfolgreich, ist Ihr AGOV-Konto identitätsgeprüft.

Sie können danach den gewünschten Online-Dienst nutzen.

Weitere Unterstützung erhalten Sie im AGOV-Hilfeportal unter agov.ch/help.