Parter il conto dad AGOV cun terzas persunas

Descripziun

Vus vulais parter l’access a Voss conto dad AGOV ed ils logins per servetschs online d’autoritads colliads a quel cun ina terza persuna.

Instrucziun

Vus pudais registrar la AGOV access app u ina clav da segirezza d’ina terza persuna sco factur da login supplementar en Voss conto dad AGOV. Uschia obtegna la terza persuna access a Voss conto dad AGOV e po utilisar quel suandantamain:
  • Ella po midar infurmaziuns persunalas e registrar ulteriurs facturs da login.
  • Ella po s’annunziar tar servetschs d’autoritads, a las qualas Voss conto è dà liber ed als po utilisar en Voss num.
  • Ella po s’annunziar en Voss num tar ulteriurs servetschs d’autoritads.
  • Ella po stizzar ils facturs da logo che Vus avais registrà (a moda intenziunada u tras manipulaziun sbagliada). Uschia che Vus n’avais sez betg pli access a Voss conto.
  • Ella po pussibilitar ad ulteriuras persunas cun u senza Voss consentiment l’access a Voss conto e l’utilisaziun da Voss conto.

Da parter l’access a Voss conto dad AGOV po far senn ed esser nizzaivel en ils suandants cas:

  1. Vus autorisais members da la famiglia per pussibilitar ina represchentanza.
  2. Vus registrais il factur da login d’in member da la famiglia u d’in enconuschent per garantir l’access a Voss conto en cas da la perdita da Voss smartphone.
  3. In member da la famiglia u in enconuschent As gida ad emplenir Vossa decleraziun da taglia e dovra perquai Voss login dad AGOV. Na partai betg Voss conto dad AGOV cun fiduziaris per betg dar a quels la controlla cumplaina da Voss conto dad AGOV. L’administraziun da taglia porscha per quai ina pussaivladad da delegar la decleraziun ed inoltraziun da las decleraziuns da taglia.

Nus As faschain attent che AGOV è persunal e che Vus sco titular dal conto essas responsabel per las consequenzas da la registraziun da terzas persunas en Voss conto dad AGOV. Autorisai cun l’access a Voss conto dad AGOV be persunas enconuschentas e fidadas!

La registraziun d’ulteriurs facturs da login per terzas persunas è descritta en ils suandants artitgels d’agid:

Exequi la registraziun en preschientscha da la terza persuna e denominai ses factur da login supplementarmain cun il num da la persuna. Uschia pudais Vus pli tard distinguer ils facturs da login da terzas persunas en Voss conto. Per denominar il factur da login cliccai en il conto dad AGOV en la secziun facturs da login sin administrar apparat.

Il maletg dal conto da la AGOV sut ils facturs da colliaziun, pon vegnir administrads facturs da colliaziun da terzas persunas.
Management dals facturs da connexiun.


Impurtant per Vossa protecziun da la persunalitad:
  1. Stizzai ils facturs da login da terzas persunas or da Voss conto dad AGOV en cas da nundiever tenor ils suandants artitgels d’agid:
  2. La registraziun d’in nov factur da login vegn confermada per e-mail. Sch’il factur da login è vegnì registrà senza Vossa enconuschientscha, al stizzai immediat da Voss conto.


As avain nus pudì gidar?
 
Leger ulteriurs artitgels da sustegn →