Stizzar (archivar) il conto dad AGOV

Descripziun

Vus na vulais betg pli utilisar Voss login dad AGOV e perquai laschar archivar il conto.

Cun l’archivaziun vegnan las cumprovas d’identitad ad esser nunvalaivlas e tut las colliaziuns cun servetschs online da las autoritads stizzadas irrevocablamain. Sche Vus avais pli tard puspè basegn d’in login dad AGOV, pudais Vus registrar in nov conto dad AGOV cun la medema adressa dad e-mail.

Pertge na vegn mes conto dad AGOV betg stizzà, mabain archivà? ▼
×

Per garantir la transparenza da process ch’èn vegnids exequids cun il diever da l’autentificaziun dad AGOV avant la stizzada sto la ID dad AGOV vegnir conservada per in tschert temp (art. 41 al. 3 lit. d LPD). En tals cas vegn la ID dad AGOV marcada cun in’annotaziun d’archivaziun e bloccada.

Tenor art. 41 al. 2 lit. a LPD (Confederaziun) po mintga persuna cun in interess degn da protecziun dumandar che las datas persunalas elavuradas en AGOV vegnian stizzadas. Quai cumpiglia er la stizzada da la ID dad AGOV. Ina dumonda da stizzada sto dentant vegnir motivada. Quest process succeda per scrit e vegn realisada dal post responsabel (ChF/DTDT) en il rom d’ina examinaziun individuala.

Instrucziun

Pervia da la lescha davart la protecziun da datas pon contos dad AGOV be vegnir archivads sin dumonda per scrit.
  1. Chargiai giu il formular da dumonda: Anpassungsantrag zum Archivieren des AGOV-Kontos.
  2. Segnai cun ina crusch la Opziun 3: archivar il conto dad AGOV, inditgai Vossas datas da contact e suttascrivai la dumonda.
  3. Scannai u fotografai il formular da dumonda emplenì e suttascrit.
  4. Scannai u fotografai in document d’identitad valaivel sco cumprova d’identitad:
    • Passaport: pagina cun las infurmaziuns persunalas e suttascripziun
    • Carta d’identitad: vart davant e davos
    • Permissiun da dimora: vart davant e davos
  5. Tramettai per e-mail il formular da dumonda e la copia dal document d’identitad sco datoteca PDF, JPG u PNG. Inditgai sco object da l’e-mail "archivar conto dad AGOV".
  6. L’archivaziun da Voss conto dad AGOV vegn confermada per e-mail.


As avain nus pudì gidar?
 
Leger ulteriurs artitgels da sustegn →